කස්ස වැලිතලප හදපු හැටි

අලුත් අවුරුද්ද ලගටම ඇවිදින්.ලෝකෙ කොනක හිටියත් අවුරුදු කාලෙ මතක්වෙනකොට ඉතින් බඩේ ගින්දරේ බෑ.ගෙදර අවුරුදු කැම මේසෙ මතක් වෙනව.කැන්ගරුවො එක්ක හරි හරියට හැප්පෙන කස්සට දැන් අවුරුදු 4 කින් අලුත් අවුරුද්දක් නෑ.ඉතින් මෙ අවුරුද්දෙ කස්සත් පොඩි try එකක් දුන්න මොනව හරි හදන්න!

ගිය අවුරුදු වල වගේ එකට set වෙන්න යාලුවො දැන් නෑ.මම ඉන්න ගෙදරින් මගෙ පරන යාලුවො set එකම වෙන වෙන තැන් වලට චුත වෙලා.වෙන අවුරුදුවල නම් ඉතින් කිරි වැඩිවෙච්ච් කිරි බතුයි,ලුනුත් නැති,මිරිසුත් නැති ලුනුමිරිසුයි එක්ක අවුරුද්ද ජයට ගන්නව.වැඩේ කියන්න රස දේකට තියෙන්නෙ super market එකෙන් අරන් එක cake එකයි කෙසෙල් ඇවරියයි විතරයි.

ඉතින් මේ පාර කස්සට වැලිතලප හදන්න හිතුන.මේ වැඩේට ඉතින් මට හදන හැටි කියල දීල sup එක දුන්නෙ අපේ මතකය අහුලන දිල්.

හා හා පුරා කියල කැවිලි ජාතියක් හදන නිසා මම exam එකට ගිහින් එනගමන්ම හාල් පිටියි,සීනියි, desiccated පොලුයි(මෙහෙ කොහෙද ඉතින් පොල් ගෙඩි ඒ තිබ්බත් හිරමනයක්?) එහෙම අරගෙන ගෙදර ආව.ඉතින් ලොකු බාජනේකට පිටි ටිකයි පොල් ටිකයි එහෙම දාල දැන් මේක තම්බන්න තමා කොල්ලගෙ try එක.

හික්..උජාරුවට ලැස්ති උනාට තම්බන්න එකක් නැ.rice cooker එක එහෙට මෙහෙට කරල දන්න සෙල්ලම් කෝට්යම දැම්මට වැඩෙ හරි ගියේ නෑ.අලි බාජනයක් පිරෙන්නම පිටි තිබ්බට අන්තිමට කස්සට සිද්ධවුනා පිටි පොඩ්ඩකින් පොඩි test පාරක් දාන්න.ඉතින් මගෙ ගාව හාල්පොත වගේ තියන nonstick තාච්ච්යට සීනි ටිකක් දාල පැනි උණුකලා.හවස් ජාමෙ මේ වැඩේ පටන්ගත්ත නිසා වැඩිය එලියත් නෑ.දැන් ඉතින් කොල්ල සීනි උණු කර කර සීනිවල නූල් ඇදෙනකම් බලං ඉන්නව. විනාඩි 10 විතර යනකොට සීනිත් පදමට ආව කියල වගේ හිතෙනකොට අර පිටි ටික දාල කලවම් කරල එහෙම ඉතින් චුටිම චුටි ලාමක වැලි තලපයක් හදාගත්ත.

දැන් මෙක test කරන වෙලාවනෙ. ඉතින් ඔන්න වැලිතලපෙන් පොඩි කැල්ලක් කඩාගෙන කාල බලුව.හප්ප කියල වැඩක් නෑ.මගෙ රස නහර පිනා ගියා.සීනි කරවෙලා! හරියට නිකන් මාලු හොදි එක්ක මස්කට් කෑව වගේ.ඒ මදිවට මගෙ nonstick තාච්චියේ අලි සීනි තලියයි.ඒක යවන්න ගිහින් මගෙ තාච්චිය nonstick වල ඉඳන් stick වලට මාරු කරන්න සිද්දවුනා.ඒ මදිවට කුසිසියේ පිටි හැමතැනම. අලි මදිවට සමනල්ලු කිවුවලු.ඉතුරු පිටි ට්ක නම් ඉතින් අරන් තිබ්බ අවුරුද්දට රොටියක් හරි පුච්ච්ගෙන කන්න පුලුවන්නෙ කියල.

ඔන්න කස්සගෙ වැලිතලප හැදිල්ල….

ඔබලාගෙ ප්‍රිය සම්බාශන,උත්සව අවස්තා වලට වැලිතලප උවමනා කරයිනම් කස්සව අමතන්න.

පසුව…

අර සිංහල කඩෙන් පිටි ගන්න ගමන් ඒ ඩොලර් 10 යට වැලිතලප කෑලි දෙක තුනක් මට අරන් එන්න බැරිඋන හැටි!